داستانهای باغمیشه
درباره سایت
آخرین مطالب
امکانات وب
عینالیم
داغدا نققـاش یاراتمیش ـ مارالیم
گله بیلمز کاغاذا ـ هئچ پَری بیلمز ـ خیالیم
گئجهدی ائل یوخودا غوصّهلریندن سن اویاقسان
باخیسان گؤزده قولاقسان
بیز گئدیب سن قالاجاقسان
گئنه یارانچیلارا ساز چالاجاقسان
نه وئریبسن آلاجاقسان
ـ ائوین آباد اولا یاران...
ـ او کیم ایدی، نه سس ایدی؟
داش دئدی: گؤز یاشیم ایدی
داغ دئدی: یولداشیم ایدی، هاشیم ایدی
بابکین آتدا چاپان زمزمهسی ایدی
اینسانین داردا قالان ولولهسی ایدی
ـ هاردا قالمیش؟
اولمویا عشق قوجالمیش!؟
ـ یوخ یالاندی،
بزهنیبدی ائلهبیل لاپ ساوالاندی
بیزی گؤردی هاوالاندی
ویردی پیمانه جالاندی
سازی چالدی اوخودی:
یارانی یئللر ییخا بیلمز
اورا هیمّت داغیدی هر نظریکج چیخا بیلمز
اورا یاران دی طبیعتچیلرین تئللی نیگاری
اورا جنّت باغیدی یوخدی حیصاری
آلمالار واردی باهاری
بیری قیرمیز بیری ساری
نه بیلیم نئیدی قوپوزلاردی چالاری
قوزولار غمسیز اوتاری
قوت گلیب قویما آپاری
دره دن آزجا یوخاری
فرهادین داشدا مزاری
گؤزلر آخشام چاغی یاری
اودا مجنون دی اوتوزماز بو قوماری
ایکی دونیانی ساتاری
باخیسان اَلده قاباری
تَره باخ گور نه آخاری
دلی طوفاندی چاپاری
عشق دی مشقلرین اوردا یازاری
شمس دی مولویسین گلمیش آپاری
آی گلیب قویما چیخاری
گون گئدیب قویما باتاری
داهی حیدربابانین سیندی بازاری
شهریارلاردی گلیب کولگهلنیب اوردا یاتاری
اوخویور کوسمه هاشیم تبریزیمین یوخدی چیخاری
سنه کئچمیشده آزاری
ائله قوی بوردا قوتاری
گئتمه قال باخ گؤر آغاجلار نه سوزاری
بئل کولونگون قالیب اوردا گلهجاقسان
قازاجاقسان اَکهجاقسان گولهجاقسان
چیخاجاق آی ایکی باش دان
یا او باشدان یا بو باشدان
مودّعی یاندی بو آشدان
دولی جنگللر آغاش دان
آمما یاران اولا بیلمز ، هله تئزدی
داغدا قوتدا قاچار آمما دلی جئیران اولا بیلمز ، هله تئزدی
بئله اینسان اولا بیلمز ، هله تئزدی
گئنه یاران کیمی گوی تئللی گوزل سؤیگولون اولسون
گئنه قوی اَللر ، اورک لر یَخین اولسون
گئنه مین رحمت آپارمیش باباجانینقین اولسون *
نئچه مین قوربانعلیتونتابین اولسون
آی حسنمشتی لر اولسون
آی جاواد سیّدیلر آی علیقوربانپورون اولسون
نئچه وحدانیلرین، مین نئچه گولبازلارین اولسون
ممّدابراهیمیلر تک اوجابوی لشکرین اولسون
آی رحیمصادیقین اولسون، ابیپورخامنهن اولسون *
گئنه داغلار هاشیم اولسون
مین اوجور قارداشیم اولسون
تبریز آخشاملاری تک،
یایدا سرین یئل لرین اولسون
سارامین بختینه تای، آی آپاران سئللرین اولسون
قیزلارین قوی گلین اولسون
گئنه مینلر جولالی نازلی سلاماللاهین اولسون *
نئچه مین آلمادرن آیکیمی گویچکلرین اولسون
بولاق آخسین سرین اولسون
نه بیلیم من نه جور اولسون
گویلون هر جور چکیر اولسون
ائوین آباد اولا یاران
برچسب:
نویسنده: حسین بهرامی